Entrega de premios XVIII Certame literario IES Sanxenxo

Como é habitual o auditorio Emilia Pardo Bazán foi o lugar escollido para facer a entrega dos premios dunha nova edición do noso certame literario IES Sanxenxo, que xa acaba de cumprir a súa maioría de idade.

Centos de persoas déronse cita para descubrir finalmente os gañadores desta edición nas tres categorías e Daniel Daporta, antigo alumno do noso centro, e baixo nome de Maiko Leinad puxo a banda sonora do acto.

 

A continuación podedes ler a relación dos finalistas e gañadores e gañadoras das diferentes categorías e proximamente nesta mesma páxina poderedes descargar o libro coas composicións  de cada un deles. 

CATEGORÍA A

FINALISTA	CENTRO	POSICIÓN
Dana Aspres Viñas	CEIP A Florida	1º Premio
Emma Martínez López	CEIP Portonovo	2º Premio
Lucía Cacabelos Blanco	CEIP A Florida	Finalista
Clara Sanmartín	CEIP A Florida	Finalista
Amaro Castro González	CEIP Portonovo	Finalista
Emma Cal Aspres	CEIP A Florida	Finalista
Raquel Comesaña Torres	CEIP Portonovo	Finalista
Uxía Sueiro Filgueiras	CEIP A Florida	Finalista
Nagore Fernández Castro	CEIP Portonovo	Finalista
Carla Muñiz García	CEIP Portonovo	Finalista

CATEGORÍA B

FINALISTA	CENTRO	POSICIÓN
Olivia Julia Katscher Vidal	IES SANXENXO	1º Premio
Sara Salomón Mourín	IES VILALONGA	2º Premio
Ana Cecilia Gómez Morriello	IES SANXENXO	Finalista
Sara Prieto Piñeiro	IES VILALONGA	Finalista
Roi Prado Quiñones	IES VILALONGA	Finalista
Blanca García Casal	IES SANXENXO	Finalista
Hugo Montes Piñeiro	IES VILALONGA	Finalista
Gael Roch Czarnecki González	IES VILALONGA	Finalista
Uxía Míguez Barbeito	IES VILALONGA	Finalista
Mateo Míguez Montes	IES VILALONGA	Finalista

 

CATEGORÍA C

FINALISTA	CENTRO	POSICIÓN
Sara Otero Meis	IES VILALONGA	1º Premio
Manuel Piñón García	IES VILALONGA	2º Premio
Alicia Valle Besada	IES SANXENXO	Finalista
Susana Rea Poza	IES VILALONGA	Finalista
Irene Camiña Prieto	IES SANXENXO	Finalista
Miguel Álvarez González	IES VILALONGA	Finalista
Gael Barros Otero	IES VILALONGA	Finalista
Roi García Ramallo	IES SANXENXO	Finalista
Ignacio Carballa Maza	IES VILALONGA	Finalista
Marta Torres Domínguez	IES SANXENXO	Finalista

Se picas na imaxe poderás descargar o libro cos textos gañadores e cos finalistas desta edición.

Casa museo Rosalía de Castro

Un novo ano, e agardamos que se converta nun costume, visitamos a Casa Museo Rosalía de Castro en Padrón co alumnado de 2º de ESO. A actividade foi algo máis que visitar a casa onde Rosalía pasou os seus últimos anos pois tamén recitamos poemas da autora tanto no fermoso xardín da Casa da Matanza como nas rúas de Padrón que serviron para ilustrar parte da vida da nosa poeta máis universal.

Actividade subvencionada pola Deputación de Pontevedra

XVIII Certame literario

 

“Aquela mañá de marzo, por fin, algo rompeu a súa rutina” foi a escusa que serviu de inspiración aos 216 alumnos e alumnas que se deron cita o pasado 10 de marzo no ximnasio do noso instituto para escribir historias e poesías.

Xunto coa frase de Rocío Leira, este ano madriña do certame, tamén quixemos homenaxear a Luísa Villalta e dela escollemos a frase para os que escollesen a opción de poesía: “ Ando cos pés con que me andas e eu te sigo ”. 

Este ano celebramos o 25 aniversario da creación  do noso instituto e xa son dezaoito as edicións do certame literario que está plenamente consolidado na nosa bisbarra, acudindo un total de 6 centros educativos. Sen a participación e a implicación de todos eles non poderiamos seguir homenaxeando á palabra e á literatura. 

Por iso, o único que nos resta dicir é grazas ao profesoradoo e alumnado dos centros: CEIP A Florida, CEIP de Nantes, CEIP Portonovo, Colexio Plurilingüe Abrente, IES Vilalonga e IES Sanxenxo.

O 7 de Xuño saberemos os finalistas e os gañadores das 3 categorías nunha cerimonia no auditorio Emilia Pardo Bazán de Sanxenxo.

Dobramos cinema en galego

Este curso celebramos o 25 aniversario do IES Sanxenxo e durante a Semana Cultural fixemos moitas actividades co fío común do cinema.

Performances, trailers, actividades plásticas, entrega de premios... foron moitas as cousas que realizamos ao longo de cinco días moi intensos e moi creativos.

Dende o Departamento de Lingua Galega, xunto con Dinamización, fixemos un obradoiro de dobraxe e así cada grupo, que tiña asignado un filme para traballar sobre el, seleccionou un fragmento da película para poñerlle voz e dobrar ao galego aos seus protagonistas. 

Aquí vos deixamos unha mostra dos tres finalistas, simplemente pica na imaxe.

ROTEIRO CASTELAO 2024

O roteiro Castelao é unha oportunidade para coñecermos a fermosa cidade de Pontevedra e tamén a importancia capital que ten a figura de Castelao para a nosa cultura e para a nosa conformación como pobo.

Esta son só algunhas das razóns polas que cada ano o alumnado de 4º de ESO visita a cidade do Lérez para descubrir a xenialidade do noso máis ilustre escritor, pintor, humanista, político e pensador.

Pasear por Pontevedra, visitar a Sala Castelao no Museo onde se expoñen algunhas das súas pezas máis sobranceiras, as estampas, o álbum Nós, as pinturas que anos atrás colgaban das paredes do Balneario de Mondariz é unha oportunidade que temos a obriga de aproveitar.

O día non nos axudou e a chuvia fixo que non puidésemos facer a totalidade do percorrido e tal vez poida servirnos de escusa para nun futuro volver a camiñar a cidade e encontrarlle o redescubrir aquela vila medieval chea de artesáns onde o comercio e as xentes bulían polas rúas e as prazas, historia viva de Galicia.