Lecturas recomendadas para o nadal

Como todos os anos, o equipo de biblioteca fai unha escolla de lecturas que poden ser interesantes para toda a familia e aproveitando estes días de descanso e de reencontros tal vez sería tamén unha boa opción de agasallo.

Aquí deixamos as recomendacións para este nadal, agardando que de achegarvos a algunha das propostas a desfrutedes.

Bo Nadal.

 

Semana do Libro

     Durante esta semana, no IES Sanxenxo, celebramos a Semana do Libro.

     Para conmemorala, fixemos un mural onde colocamos fichas de cal é o noso libro favorito en galego.  Deste xeito, podemos tamén, suxerir títulos ás persoas que nos rodean.

     Felices lecturas!!

Ampadriña un/ha lector/a

     Onte, o alumnado de 3º da ESO, foi a facer unha das actividades que máis lles gusta: lerlles aos máis cativos da vila.

     Baixamos ao CEIP de Portonovo, a pasar un anaco co alumnado máis pequeniño de alí, e lerlles os seus libros favoritos.

     É unha xornada ben fermosa, na que, tanto grandes coma pequenos, gozan mutuamente da súa compaña, e onde o pasan realmente ben, uns rememorando cando eran así de pequechos, e outros alucinando co grandes que son os maiores!!

     E todo iso, arredor dun libro.  Que máis se pode pedir!?

     Dende aquí saudamos ás clases de Minchas e de Caramuxos en concreto (cos que tiramos a foto en grupo), e a todo o profesorado e resto de clases en xeral, que tan ben nos acolleron.

     De seguro que o curso que vén, repetimos!!