Visita á Fortaleza de Valença e Festival de Teatro grecolatino

O alumnado de 4º de ESO acudiu ao Festival de Teatro grecolatino que cada ano organiza a Sección de Estudos clásicos da Universidade de Santiago de Compostela, e que entre outras cidades se desenvolveu na vila de Tui.

Aproveitamos o desprazamento para visitar a Fortaleza de Valença e coñecermos polo miúdo a rica historia que encerra este emprazamento militar. Durante unha hora fixemos un xogo de pistas onde tiñamos que buscar información e tirarnos fotos en lugares concretos para contestar no menor tempo posible ás cuestións que se nos preguntaban. Foi un xeito lúdico e divertido para coñecermos aspectos do pasado e do presente de Valença e tamén de Portugal.

Despois atravesamos a ponte para dirixirnos a Tui e ruamos pola súa zona histórica antes de asistir á representación Miles Gloriousus de Plauto. Unha versión MOI LIBRE do clásico latino.

Guimarães

     No IES Sanxenxo participamos no Proxecto Terra, tamén como parte integrante das actividades de Dinamización, xa que este curso solicitamos a saída a Guimarães, para poder entender as similitudes que nos rodean aos dous pobos: o noso e o veciño portugués.

    Foi unha viaxe moi enriquecedora, na que a rapazada puido apreciar como os castros son os mesmos no norte de Portugal, e como as construccións populares, achéganse moito ás nosas.

     Ademais de poder gozar das visitas ao Castelo de Guimarães, pazo dos Condes e Mosteiro de San Salvador.