ARITMAR

Un novo ano celébrase o certame aRi[t]mar Galiza e Portugal onde o público escolle e premia cancións e poemas (non álbums ou poemarios) galegas e portuguesas. 

Entre os finalistas galegos encóntranse: 

Cachondemia,Ataque Escampe - Viaxamos a Miami, Caamaño&Ameixeiras - Ai de min, Davide Salvado / Permita Deus - Bulerías da Lúa, De Ninghures - Morena, Festicultores Troupe - Olivia Newton Jhon era de Pantón, Grande Amore - Onde ela me quer levar, Mondra - Ardén, Ruxe Ruxe - Vaia onde vaia e The Rapants -Fai tempo.

 E entre as músicas portuguesas:A Garota Não - 422, Ana Bacalhau - Não Vás Embora, Rapaz!,Buba EspinhoAo Teu Ouvido feat. Bárbara Tinoco, Carlão - Mais!, Carolina Deslandes - Saia da Carolina, Luísa Sobral - Serei Sempre uma Mulher, Maro - Oxalá, Miguel Araújo Sagitário, Os Quatro e Meia - Na Escola e Pedro Mafama - Preço 

Certo.

Máis información na súa páxina ari(T)mar.

Escoita os finalistas e vota a canción que máis che guste

FESTIVAL ARI(T)MAR

A EOI de Santiago de Compostela organiza dende o ano 2016 este proxecto que ten por obxectivo divulgar a música e a poesía galego-portuguesas actuais, e achegar a cultura e a lingua dos dous países para o aproveitamento do ensino do portugués e vínculos coa lusofonía. Importantes intérpretes e grupos como António Zambujo, María do Cebreiro, Os azeitonas, Xabier Díaz, Tanxugueiras ou Ana Moura foron algúns dos gañadores de edicións anteriores.

O certame aRi[t]mar Galiza e Portugal é singular posto que é o único no ámbito peninsular en que o público escolle e premia cancións e poemas (non álbums ou poemarios) galegas e portuguesas. Ademais, para que un/ha músico/a (ou grupo musical) ou poeta poda voltar a ser premiado/a máis dunha vez teñen que transcorrer polo menos 5 anos, a contar desde o ano seguinte ao no que resultou gañador/-a.

Máis información na súa páxina ari(T)mar.

Aquí podes acceder ás votacións tanto para a Canción en Galego como para a Canción en Portugués. Tes ata o 27 de marzo.

Recital poético musical Xela Arias

O venres 23 de Abril quixemos conmemorar o Día do Libro cun recital poético- musical que serviu de homenaxe á poeta Xela Arias. Conxuntamente co departamento de música, quixemos deste xeito dar a coñecer as novas voces da poesía galega actual, que conseguen abrir novos camiños e están a colleitar importantes premios fóra das nosas fronteiras.

Poesías de Gonzalo Hermo, Martín Veiga, Berta Dávila, Baldo Ramos, Fran Alonso, Ana Romaní, Olga Novo, Estevo Creus , María Lado ou Ismael Ramos foron interpretadas por alumnos e alumnas de 1º, 3º e 4º de ESO; poñendo de manifesto a pluralidade de estilos e sensibilidades.

Tamén houbo un oco para lermos poemas das autoras que gañaron nos últimos anos o Premio Nacional de Poesía, como son: Olga Novo e Pilar Pallarés.

No bloque final interpretaron poemas de cada unha das obras de Xela Arias, poeta homenaxeada nas Letras Galegas 2021.

Rematamos o acto coa canción Negra Sombra, interpretada pola alumna Andrea Méndez acompañada á guitarra por Marcial Escudero.

 

30 propostas de música en galego

Deixamos esta interesante selección de grupos e artistas do panorama musical galego actual feita por Nel Barral. É unha selección de 30 propostas  de diferentes estilos especialmente pensada para xente moza: pop, hip hop, rock, tradicional, trap, electrónica…

De clássicos livres gaña o concurso Musicando Carvalho Calero

Logo dunha intensa final, o grupo De clássicos livres gaña o certame Musicando Carvalho Calero, organizado pola Associaçom Galega da Língua e coa colaboración da Radio Galega.

Presentáronse máis de oitenta bandas e solistas que logo un xurado popular reduciu a dez. A escolla da banda gañadora fíxose mediante un proceso de votación popular, do que xa falamos en post anteriores,  a través da rede e que debía confirmarse  mediante un sms para evitar a duplicidade de votos.

Parabéns á banda gañadora non só polo premio senón tamén pola belísima proposta musical, Ferrol 1916.

Se queres saber algo máis De clásicos libres pica o AQUÍ para ler a entrevista que aparece en Nós díario. E se queres volver escoitar a canción aquí vola deixamos.

Musicando Carvalho Calero

 

A Radio Galega e a Associaçom Galega da Língua (AGAL) organizan o concurso ‘Musicando Carvalho Calero’, ao que poden presentarse solistas e grupos de calquera estilo musical e que ten como obxectivo dar a coñecer a figura do autor homenaxeado este ano polo Día das Letras Galegas.

O 30 de outubro rematan as audicións onde poderás votar polos tres temas finalistas que máis che gusten.

Se queres escoitar as cancións finalistas e votar por algunha delas PINCHA AQUÍ