BATÉATE. Concurso de fotografía e vídeo

O próximo día 10 de decembro celebrarase en Vilagarcía de Arousa a Gala Final de BATÉATEe que estará presentada polo actor e humorista Carlos Blanco. Alí daranse a coñecer os gañadoras ou gañadores dos concursos de fotografía e vídeo BATÉATE e tamén veranse as fotografías e vídeos gañadores de cada un dos centros participantes. 

Por suposto, alí estarán os alumnos e alumnas gañadores/as do IES Sanxenxo e que foron:

Concurso de fotografía:

Gañador: Hugo Romay

Accésit: Cecilia González

Concurso vídeo:

Gañadoras: Ainara Vidal e Marta González

Tamén obtiveron un agasallo os alumnos Pablo García e Miguel Garrido 

O proxecto “Batéate” foi posto en marcha pola Organización de produtores de mexillón de Galicia, Opmega. A acción comezou a finais do pasado mes en diferentes institutos do Salnés e busca, máis que nada, garantir o relevo xeracional no sector bateeiro, un dos máis potentes a nivel económico e social na Ría de Arousa. A través de “Batéate, atopa o teu espazo no mundo” Opmega achega o oficio de bateeiro ao alumnado a través de traballos específicos con vídeos na rede ou un xogo de cartas para que se coñeza debidamente a xerga usada polo sector ao mesmo tempo que sirva de diversión.

O proxecto tamén incluía un concurso para o alumnado participante con dúas categorías: unha de fotografía e outra de vídeo. Aí poderán presentarse obras que versen sobre o oficio de bateeiro.

Aquí deixamos as fotos seleccionadas do noso centro e que son da autoría de Hugo Romay e Pablo García.

 Facendo clic nesta páxina podes ter máis información da convocatoria

25N. Máscaras contra a violencia

Non somos histéricas, somos históricas.

O amor propio non é egoísta, é revolucionario.

Non poñas a máscara ante a violencia de xénero.

Se doe non é amor!

Somos o berro das que non teñen voz.

Non me asubíes

Pódesme romper a dor pero non a voz!

Con roupa ou sen roupa o meu corpo non se toca

Non lle deas o teu corazón a quen cho rompe

Estas son algunhas das mensaxes que decoraban as máscaras que o alumnado do instituto levou este 25N durante toda a xornada.

Deste xeito quixemos amosar a nosa solidariedade con todas as mulleres que padecen esta outra lacra, silenciada durante meses pola pandemia do COVID.

Unha vez máis as alumnas e alumnos demostraron estar á altura e dixeron ben claro NON Á VIOLENCIA.

De clássicos livres gaña o concurso Musicando Carvalho Calero

Logo dunha intensa final, o grupo De clássicos livres gaña o certame Musicando Carvalho Calero, organizado pola Associaçom Galega da Língua e coa colaboración da Radio Galega.

Presentáronse máis de oitenta bandas e solistas que logo un xurado popular reduciu a dez. A escolla da banda gañadora fíxose mediante un proceso de votación popular, do que xa falamos en post anteriores,  a través da rede e que debía confirmarse  mediante un sms para evitar a duplicidade de votos.

Parabéns á banda gañadora non só polo premio senón tamén pola belísima proposta musical, Ferrol 1916.

Se queres saber algo máis De clásicos libres pica o AQUÍ para ler a entrevista que aparece en Nós díario. E se queres volver escoitar a canción aquí vola deixamos.

Máscaras contra a violencia de xénero

A pesar de estar vivindo un momento excepcional que parece que o ocupa todo, o problema da violencia machista segue presente na nosa sociedade. É por iso que quixemos unir ambas ideas para dar un punto de vista novo e unha maior visibilidade.

- Nos días previos ao 25 N e dentro das actividades relacionadas co tema da violencia de xénero, o alumnado escribirá unha frase relacionada co tema sobre unha máscara hixiénica ou cirúrxica.

- As mensaxes deberán ser orixinais e todas elas escritas en lingua galega, sendo o autor/a o responsable da mesma.

- Pódense empregar diferentes grafías, maiúsculas e cores que axuden a entender a mensaxe que se quere transmitir.

O mércores 25N todos os participantes levarán a súa máscara durante a xornada

- A actividade será difundida tanto nas redes (Instagram e Blogs) como na revista Aquelar.

- Aínda que a participación é voluntaria, pode animarse ao alumnado para que participe, xa que o feito de ter que elaborar unha frase por escrito favorece a reflexión sobre a temática tratada.

 

 

Musicando Carvalho Calero

 

A Radio Galega e a Associaçom Galega da Língua (AGAL) organizan o concurso ‘Musicando Carvalho Calero’, ao que poden presentarse solistas e grupos de calquera estilo musical e que ten como obxectivo dar a coñecer a figura do autor homenaxeado este ano polo Día das Letras Galegas.

O 30 de outubro rematan as audicións onde poderás votar polos tres temas finalistas que máis che gusten.

Se queres escoitar as cancións finalistas e votar por algunha delas PINCHA AQUÍ