Entroido 2023

Unha das nosas celebracións máis agardadas tivo lugar este mes, O Entroido.

Un ano máis disfrazámonos, tomamos o tradicional chocolate con rosca que prepararon dende a ANPA. Participamos nos concursos de sobremesa e disfraces. Houbo quen preparou unha pequena representación e tamén desfiles. E sobre todo bailamos e pasámolo moi ben.

Roteiro Castelao

En marzo de 1947, nunha carta que envía Castelao ao presidente do centro pontevedrés de Bos Aires dille: "Non son, pois, un pontevedrés de partida de nascimento, que ás veces esto é entrar pola porta falsa; eu son pontevedrés pola miña propia vontade e pola identificación coas terras e xentes de Pontevedra"

A cidade de Pontevedra, neste roteiro, convértese na testemuña da vida de Castelao e do seu traballo a prol da nosa lingua. O paseo serve para recordar outros fitos da historia da cidade.

O percorrido comeza na praza de San Xosé cunha parada no edificio onde se situaba o Café Moderno, rúa da Oliva (fronte a casa onde viviu Castelao), praza da Ferraría, praza da Verdura, praza da Leña, igrexa de San Bartolomeu, Sexto Edificio do Museo, praza da Pedreira, rúa César Boente, praza de Méndez Núñez, rúa Real, praza das Cinco Rúas, praza do Teucro, Teatro Principal, praza de Santa María.

 

 

Lecturas recomendadas para o nadal

Como todos os anos, o equipo de biblioteca fai unha escolla de lecturas que poden ser interesantes para toda a familia e aproveitando estes días de descanso e de reencontros tal vez sería tamén unha boa opción de agasallo.

Aquí deixamos as recomendacións para este nadal, agardando que de achegarvos a algunha das propostas a desfrutedes.

Bo Nadal.

 

Actividades Samaín 2022

 

Estamos xa de cheo no outono aínda que polo tempo non o pareza e para o día 4 de Novembro faremos o noso tradicional Magosto. Pero antes toca celebrarmos o Samaín e un ano máis dendo o EDL organizamos o Concurso de decoración de cabazas e  tamén de Sobremesas.

 

Podes ver a información do concurso picando AQUÍ.

Este ano, como novidade, haberá tamén un Concurso de Microrrelatos de medo e misterio e os gañadores do certame coñeceranse na celebración do Magosto 2022.

Os microrrelatos faranse a partir dunha imaxe que lle sirva de inspiración. Podes consultar as bases picando  AQUÍ e tamén descargar as FOTOS.

Entrega de premios XVI Certame literario IES Sanxenxo

O pasado 10 de xuño fixemos entrega ás gañadoras dos premios e dos agasallos dunha nova edición do certame literario.

No acto acompañounos o escritor Manuel Nuñez Singala que foi o autor que apadriñou esta nova entrega. No seu discurso falou da importancia destes concursos escolares ata o punto de confesar que el foi así como se iniciou no oficio de escribir e que foi continuando co paso dos anos.

O dúo formado por Jorge Lorre e Bosco Hill puxeron  o punto musical ao acto e as alumnas Julia Losada e Aroa Martínez exerceron de mestras de cerimonia.

Logo de días de lecturas e de votacións os finalistas e os gañadores de cada categoría foron para: 

Categoría A

ALICIA VALLE CASTAÑO 5º CEIP NANTES                      1º Premio

ALBA LÓPEZ MEDRANO 5º A CEIP PORTONOVO          2º Premio

DANIELA JORQUERA BAYA 6ºA CEIP PORTONOVO

ROI PRADO QUIÑONES 5º CEIP NANTES

SARA SALOMÓN MOURÍN 5º CEIP NANTES

ALEJANDRO DÁVILA LEIRO 6º CEIP PORTONOVO

CLAUDIA COSTAS POMBO 6º A CEIP A FLORIDA

ROQUE UHÍA OTERO 6º B CEIP PORTONOVO

ÁNGELA MARTÍNEZ GONZÁLEZ 6º A CEIP A FLORIDA

ROY LEIRO GONZÁLEZ 6º D CEIP PORTONOVO

 Categoría B

Paula García Serantes                          1º Premio

Daniela Blanco Poiche                          2º Premio

Elia Cacheda Vidal 

Marta Torres Domínguez 

Clara Berreco Martínez

Tomás Martínez Sanmartín 

Davinia Fernández 

Diana de Sousa Basdediós 

Gabriela Abal Blanco 

Alba D. Soutullo 

Categoría C

Manuela Garrido Míguez                 1º Premio

Uxía Rozas Pérez                              2º Premio

Carla Barreiro Fontenla 

Daniela Requejo González 

Valeria Caramés Periscal 

Candela Estévez Deza 

Carmen Berreco 

Tobías Cepeda  

 

Unha vez finalizada a maquetación,  publicaremos un ano máis os textos gañadores nunha edición llimitada a 500 exemplares para distribuír entre os centros participantes. Tamén poderase descargar a mesma neste mesmo blog.