MOSTRA DOS MENÚS EN GALEGO, INGLÉS E CASTELÁN - CÓDIGOS QR
Velaquí o resultado do noso proxecto. Nestes 5 códigos QR podedes atopar os textos traducidos, os "gato datos" (curiosidades científicas sobre os alimentos) e nalgúns menús as táboas nutricionais.
Bo apetito lingüístico e gastronómico!
PEGADA DE ADHESIVOS DO PROXECTO "GIF MENÚ: QUE VAI SER?" EN 5 RESTAURANTES
O 19 de xuño alumnado de 2º e 4º colocaron o adhesivo gatuno na porta de cinco restaurantes:
Trátase dun proxecto multidisciplinar que iniciou a súa andaina no presente curso 2024-25. Participou nel alumnado de 1º , 2º, 3º e 4º da ESO. O profesorado tamén se implicou significativamente na posta en marcha deste proxecto: Galego, Inglés e Francés realizando a tradución dos menús, Tecnoloxía elaborando o logo (un alumno de 4º), os menús e os códigos QR, Bioloxía achegando as táboas nutricionais correspondentes, Física e Química a partir dun libro interactivo h5p redactando curiosidades científico-culinarias relacionadas con pratos concretos (os “Gato datos”), Xeografía e Historia ocupándose de coñecer a riqueza gastronómica e vinícola da área do Salnés e Pontevedra centrándose no sector primario e Matemáticas coa intención de elaborar gráficos porcentuais que contabilizaran distintas variables tendo en conta as características dos establecementos.
A riqueza da gastronomía galega debe ir da man da riqueza lingüística, como acontece noutras culturas. Por exemplo, ao escoitarmos as palabras gazpacho, cebiche, pizza, shuxi..., coñecidas por todos, apreciamos automaticamente o poder da súa sonoridade ligada a unha cultura, a un bo facer culinario. O mesmo acontece con: polbo á feira, xoubas, robaliza, luras da ría, costela ou pementos de Padrón.
Romper coa inercia das accións preestablecidas implica realizar accións concretas para abrir camiño e animar a aquelas persoas que dubiden á hora de dar o paso de normalizar o uso do galego. Mesmo a xente de fóra pode curiosear nos menús e sorprenderse ao coñecer os nomes dos pratos en galego.
Será este o comezo dunha nova etapa para o uso da nosa lingua na hostalería?
FOTOS PREMIADAS NO CONCURSO DE FOTOGRAFÍA ARTÍSTICA CON ALIMENTOS
Dúas foron as fotos premiadas, a primeira inspirada no propio logo do Proxecto "GIF Menú: Que vai ser?"
Bo proveito para a gañadora dese bo xantar coa que a obsequia o restaurante El AVIADOR de Sanxenxo!
1ª 
2ª
CONCURSO DE FOTOGRAFÍA ARTÍSTICA CON ALIMENTOS - PROXECTO GIF MENÚ
PREMIOS PARA O ALUMNADO GAÑADOR DO CONCURSO DE FOTOGRAFÍA ARTÍSTICA CON ALIMENTOS
1º Premio: Por cortesía do Restaurante El AVIADOR, un xantar para dúas persoas.
El Aviador apoia así, de maneira significada, o PROXECTO GIF MENÚ do noso centro, que consiste fundamentalmente en traducir as cartas/menús da hostalería da contorna a GALEGO, INGLÉS e FRANCÉS, coa colaboración doutras materias como Química, Bioloxía, Historia, Matemáticas.... Grazas!
2º Premio: unha merenda na cafetería do instituto.
MOITA SORTE A TODAS E TODOS!
UN CONVIDADO MOI ESPECIAL NA GALA DE ENTREGA DE PREMIOS
RAMÓN CARIDE foi o escritor que apadriñou o evento. Unha atractiva traxectoria literaria o avala. Todo un luxo compartir con el verbas e lecturas!
Será o autor que asine o limiar que precederá os textos premiados cando sexan publicados en papel.
Logo do remate do evento tivo vagar para dedicar os seus libros e compartir impresións con quen se achegou a saudalo.
HOMENAXE NA GALA DE ENTREGA DE PREMIOS ÁS CANTAREIRAS
Tivemos a sorte de contar coa mellor banda sonora: o grupo de música tradicional SOALLEIRA! Nesta ocasión representada polas voces, pandeiretas e o pandeiro de alumnos/alumnas do centro.
O acto foi conducido por dúas presentadoras de excepción, de 4º da ESO.
XIX CERTAME LITERARIO DO IES SANXENXO
Na víspera do DíA das LETRAS GALEGAS tivo lugar o XIX CERTAME LITERARIO do IES Sanxenxo. Unha cita, xa consolidada, coa canteira de escritoras/es da contorna. Alumnado do noso centro, e tamén de secundaria e primaria do concello, escribiron relatos e poemas a partir dunha cita de Ramón Caride.
FOLIADA final!!!
E que mellor colofón para o certame que a actuación das cantareiras de ABIÑADOIRA!
Malia a súa apretada axenda esa mañá reserváronnos unhas pezas poderosas. Coa forza e a beleza das súas voces chegou a foliada!: alumnado e profesorado divertiuse bailando sen facer caso do sol. Celebramos por todo o alto o gran día das nosas letras.
Vaia un aturuxo en honor das cantareiras!
OBRADOIRO DE BANDA DESEÑADA
Ademais agasallaron a biblioteca con dous dos seus libros: Cantareiras e Luís Seoane, ámbolos dous dedicados por eles.
Ata nos regalaron unha cantiga:
“Ó entrar en Portonovo
o primeiro que se ve
son as fiestras abertas
e as camas sen facer” LARA LARA LARA LARA LELO... :)
